இந்திய ஓபன் சூப்பர் சீரீஸ் பேட்மின்டன் தொடர் டெல்லியில் நடந்து வந்தது. இதன் மகளிர் ஒற்றையர் பிரிவு இறுதி போட்டியில், இந்தியாவின் பி. வி. சிந்து-ஸ்பெயினின் கரோலினா மரின் மோதினர்.
இதில், 21-19, 21-16 என்ற செட் கணக்கில் பி. வி. சிந்து வெற்றி பெற்று, சாம்பியன் பட்டத்தை கைப்பற்றினார். இதன் மூலம் அவருக்கு தங்க பதக்கத்துடன் ரூ. 16 லட்சம் பரிசாக கிடைத்தது.
சாதனை படைத்துள்ள பி. வி. சிந்துவுக்கு வாழ்த்துக்கள் குவிந்து வருகிறது. இந்திய கிரிக்கெட் அணியின் முன்னாள் வீரர்கள் சச்சின் டெண்டுல்கர், வீரேந்திர சேவாக் மற்றும் இந்திய கிரிக்கெட் அணியின் தற்போதைய தலைமை பயிற்சியாளர் அனில் கும்ப்ளே உள்ளிட்ட பலரும், பி. வி. சிந்துவுக்கு டிவிட்டரில் வாழ்த்து தெரிவித்துள்ளனர்